تعالوا بقى حلوا مشكلتى

ازيكم الاول بصوا بقى انا زهقت و تعبت و مش عارفة اعمل ايه بقالى يومين انا و جوزى مش بنعمل حاجة غير اننا بنتخانق و السبب ابنى الكبير حازم و المشكلة ان حازم اتعود انى اعمله كل حاجة و هو بروتة مش بيعمل حاجة خالص و جوزى بيقوله انت غبى و مش بتحاول تشغل عقلك و رمى الذنب عليا انى انا اللى مش بعوده يشغل مخه و بيقولى لازم تخليه يشغل مخه شوية غير انه راحله المدرسة المدرسات قالوله بيقعد فى الفصل مش مركز خالص و كل همه يرغى مع البنات و مش بينتبه معانا خالص و طبعا مقولكوش هو شاط قد ايه لما سمع كده و رجع البيت قعد يقولى انتى السبب غير ان حازم دلوقتى كل حاجة يقعد يعيط حتى لو عايز يشرب يطلب المية و هو بيعيط و مش بيلعب مع اخوه خالص و مش متقبل فكرة ان اخوه عايز يلعب معاه حتى مع اولاد الجيران ساعات بيعمل معاهم حاجات فى اللعب رخمة جدا قولولى بقى اعمل ايه لانى بصراحة زهقت من ضربه و الزعيق معاه و عايزة اخلص من خناق جوزى فى انتظار ارائكم

ورتى ارض المشاكل الحلولة باذن الله يا ريرى يا حبيبتى بصى يا حبيبتى الضرب مش حل دى كلمة رخمة بنسمعها من يوم ما اتولدنا ولكن ما بنقدر نمسك نفسنا فى الضرب فخلينا واقعيين وخلينا نقسمها صواب وعقاب يعنى لما يغلط يتعاقب ممكن ضرب خفيف فى اماكن غير مضرة وممكن نظرة تهديد وممكن عدم تلبية مطالبة وحلويات ولعب وكذا يعنى العقاب كتير ممكن يكلمك وتتجاهلية كعقاب وعندما يحين الصواب ياخذ كل انتباهك وبلاش تكون مشكلتك لوحدك مع حازم لازم تكون الحكاية مشاركك فيها زوجك يعنى انتوا الاتنين اعملوا استراتيجية وامشوا عليها تخيلى الكبار مختلفين يبقى المطلوب من الصغير اكيد صعب علية حلوا مشكلة الكبار الاول بمعنى اتفاهموا ان حازم مشكلتكم انتم الاتنين وما تفرضوش اخوة علية لان الغيرة والفجوة بتكبر مع الالحاح بل اتصرفوا معاة بطريقة اذكى هاتى ابن او بنت صديق لكم ليجلس مع الصغير حتى يغار حازم على اخوة ويحاول مصادقتة وواحدو واحدة الحديد يلين ودى مشكلة اجتماعية ما تقلق ابدا لان حلولها كتيرة ورجعالك بعد اخواتك ما يضيفوا كلامهم العسل

حبيبتى ريرى هونى عليكى غاليتى
بصى ممكن يكون حازم بينتمى للبنات لانه مو ليه أخت بنت يلعب معاها والاطفال الذكور اللى بتميل للبنات دى بتكون داخلها رقه مختفيه وحنان كبير كمان حاول تظهيريه طبعا مفيش مشكله أنك تدلعى الولد خالص بس المهم ان يكون فى حدود للدلع ده بمعنى أن الصح صح والغلط غلط
بصى حاولى تتكلمى مع زوجك تانى فى مشكلة الولد وتتناقشوا فيها بشكل جدى لان ده فعلا مبنى على تفاهم منكم انتم الاتنين أولا وأخيرا
بالنسبه للولد حاولوا تحسسوه أنه ذكى جدا ويستطيع فعل أى شىء ولكن ينقصه شىء واحد وهو عدم أستغلال هذا الذكاء فى مكانه الصحيح وهو الدراسه
لكن لو شعر انه غبى او عنده لا مبالاه هيزودها أكتر وهيتمادى فيه كمان وكمان
أولا ابدأى مع الزوج حبيبتى واقنعيه بفائدة التعاون معاكى فى حل مشكله الولد
ثانيا ابدأى مع حازم بأنك تقنعيه انه ذكى ويستطيع ان ينجح بتفوق فى الدراسه ولكن ينقصه الاهتمام حبيبتى ابدأى وتوكلى على الله وصدقينى هيكون فى نتيجه بأذن الله

وانا أن شاء الله لن أنساكى انت وابنك وزوجك بل وأسرتك من دعائى فى قيام الليل
فأنا لاأملك سوى النصيحه والدعاء وفقكى الله لما يحب ويرضى

بصراحه ام جبرائيل وامنه كفوا بارك الله فيكم وهدى الله حزومه قلبى معاكى ريرى

طبعا انا بشكركم جدا على ردكم و ححاول انفذ كلامكم و ربنا يهدى و يستجيب معايا

بس ادعوله ربنا يهديه و ادعولى ربنا يصبرنى

اللهم اهدى ابننا حازم يا رب نحن بجوارك وباذن اللله تجمعنا تلك الدنيا حبيبتى

بصى ياريرى فيه اولاد كده زنانين يعنى يحبوا يعندوا مع امهم يعنى مثلا ممكن يكون عاوز يلفت الانتباه ليه باى شكل من الاشكال فبيتصرف معاكم كده على العموم ربنا يهديه يارب

حزومه حبيبى واعطيه شويه من وقتك ياريرى ومتظهريش امامه اهتمامك الكبير بياسين

يمكن ده الى مغيره ربنا يصبرك ام حازم ويهديلك اولادك حبيبتى

الله يهدية والله يا نونة الاولاد طبعهم صعب الله يقويها

عارفين المشكلة اننا متعودين ان حازم ده هو نسمة البيت فجاة بقى هو عاصفة البيت والله جربت معاه حاجات كتير بس اعمل ايه بس بحاول افهمه انه ذكى و شاطر و بيسمع الكلام و ربنا يهديه ادعولوه

ربنا يهديه ويهدى اولادنا جميعا لما يحب ويرضى اللهم امين

يا رب

أمين حبيبتى

خلى بالك كمان يارير ان ممكن كلامكم دة يعمل معاة رد فعل عكسي يعنى بدل مايصلح من الامر يبوظ اكتر هو ممكن يكون بيغير من اخوة نظرا لاهتمامك بية او ممكن يكون شايف ان انتوا من كتر الزعيق والخناق مش بتحبوة اوووووو ........ او ..... يعنى ان شاء الله هاتتحل بالحكمة والعقل وربنا يهدية يارب

الله المستعان