يعنى هو زية مش زى غيرة ولا دة مِحرم

السلام عليكن حبيباتى

طبعا كلنا زمان وقبل الحجاب وقبل ماربنا ينعم علينا بنعمة الهداية ولانضل بعدها ابدا
ان معظمنا كان بيروح للكوافير ولايهمة جنس الكوافير اذا كان راجل او بنت فكدة كدة كانت الواحدة غير محجبة فكان مش فارق معاها ان اللى يقوم بكي شعرها رجل ام فتاة فكان الوضع بالرغم من انة محرم بس كان الواحد فى غفلة فكان بالنسبة لنا عادى
نيجى بقي لحاليا واحنا مهتدين ومحجبات وانعم الله علينا بفضل الحجاب والهدى
حصل معايا موقف بجد قلت فى سري واة حسرتاااااااااااه على بنات حواء معظمهم وليس كلهم
احكى القصة اللى هى اساسا الموضوع
(( كنت فى يوم متجمعة انا واصحابي وجت فكرة لينا ان احنا نروح للكوافير ونعمل شعرنا قص وكى و.......وانتوا كلكم تعرفوا ان حاليا الكوافير بقي فية قسم عام وقسم حريمى
المهم قبل ماننزل اتصلنا وقالت الكوافيرة انها مش هناك فقلت لا انا مش هاعمل لكن واحدة مننا قالت انا هاعمل مايهمنيش انة واحد او واحدة مانا ماروحش لواحدة تانية وتبوظ شعرى دة محترف
فذهبنا وفعلا راحت عملت شعرها وللعلم هى محجبة ، المصيبة ان واحد قام بغسيل الشعر اقول ربع ساعة وممكن اكتر والتانى قام بكي الشعر فانا وواحدة تانية كنا قاعدين فقلتلها يعنى ينفع كدة دة تهريج قالتلى هانعمل اية معلش واقول والله حرام عليكم والله ........... ففى الاخر قلتلها كلمة بجد الجواب استفزنى قلت انتى لو بتعملى شعرك وموتى وانتى بتعملية ساعتها هايكون اية مصيرك امام ربنا قالت هاندخل جهنم حدف قالتها بالنص لا اله الا الله يعنى عارفة مصيرك وبتعملى دة الواحد لما بيرتكب غلط وعن طريق الصدفة بيقعد يبكى ويتمنى ويطلب من ربنا انة يعفو ويغفر لة فمابالك انتى وعن طريق القصد ، فراحت قالت واناا مالى انا هاعلجة فقط وعادى لما راجل يعالجنى هو دكتور ولا حاجة دة كوافير قلتلها ماشي نفترض ان واحد بيعالجك التانى دة بيغسل شعرك ووواحد يقص لاحول ولاقوة الا بالله دة الواحد بيستحى وبيكون مكرة لو راح يتعالج عن دكتور وانتوا الوضع عندكوا عادى سبخان الله لا واللى يغيظ ان بعد دة كلة لبست الحجاب وخرجت وعادى قلتلها طب ماتخرجى بشعرك قالتلى لا ازاى انا افتكرت هاتقول حرام كنت هاطلع فيها تقوم ردها يكون لية مادام فى بلدى مااقلعش الحجاب لو برة البلد اقلع عادى محدش يعرفنى، ياخبتى هو انا لبساة عالشان الناس ولا علشان رب العباد حسبنا الله ونعم الوكيل )) دى كانت نهاية القصة والعبرة انا بجد مش عارفة اقول اية الله المستعان

عندك حق محبتى والله دى بقت حاجه صعبه جدا انا نفسى اروح الكوافير اقص شعرى واسبغه ولكن للأسف مش لاقيه كوافير حريمى فقط كل كوافير لازم يكون بداخله راجل بيعمل ايه مش عارفه والكوافير الوحيد الحريمى بتاع ست مسيحيه بس هنعمل ايه الله المستعان والله قولت ان شالله ماعنه اتسبغ ولا اتقص خليه كده وخلاص والله المستعان

انا كنت زى صحبتك دى فى يوم من الايام دخلت كوافير وطلبت ان واحد معين هو اللى يقص شعرى لانه محترف قصات وكنت ساعاتها محجبه بس للأسف محدش قالى ساعاتها ان كده حرام او غلط او حتى عيب فربنا يسامحنا على افعالنا السابقه ويغفرنا
وفى النهايه المفروض ان كل واحده تقدر تميز بين الحرام والحلال ولكن المهم ان فى ناس ضعاف النفوس وناس ايمانها قوى وهو ده الفرق وهقول ايه ؟؟ الله المستعان

لا حول ولا قوة الا بالله العلى العظيم كلنا كنا مثلها يا محبتى الحمد لله ربنا هدانا

لكن اليوم بيحدث شىء غريب جدا ان الواحده بتجيها الكوفيره من اجل السويت وما ادراكم ما السويت طيب صحبتك دى مصيبتها قليله تقولى ايه فى الى بتكشف عورتها على الكوفيره استغفر الله وتيجى تتكلمى تقولك عادى لا حول ولا قوة الا بالله

تكلمى الكوفيره تقوليها حرام تقولك انا مش بنظر للواحده ابدا انا بادى شغلى وبس ايه ده وكيف تحلل الوضع الزباله دى

اما علمت انه حرام ؟؟؟؟؟؟؟؟؟؟؟؟؟؟؟؟ لا حول ولا قوة الا بالله ربنا الهادى

طبعا حرام لا حول ولا قوة الا بالله العلي العظيم

اة والله ياامونة عندك حق ربنا يهدى كل واحد ويغفرلنا اخطانا

صح يانونة الكوافيرات اليومين دول مش بيتكفوا بالاطراف لا كمان بالعورات وكمان تقولك انا واحدة زى زيها واللى تقولك انا مش ببص
طب انا حصل معايا قصتين قلت ساعتها الناس اتهبلت
واحنا فى الاقصر كنت عايزة اعمل تاتووووووووو اللى هى رسمة كدة وبعد كام يوم بتتمسح لوحدها فسالت مين اللى بيعمل تاتووووووووة رد واحد وقالى انا قلتلة مافيش واحدة ست قالى انا ممكن اعملهالك مش بلمس الجسم باعملها من بعيد كنت عايزة اتنرفز علية بس قلت اسكتى يابت رحت مشيت
المرة التانية دخلت استوديو فية بنت بتصور قلتلها هو اللى بيحمض واحدة قالتلى لا دة اخويا بس اتصورى عادى وكلنا اخوات يعنى مش هايبص عليكى فى الصورة للعلم انى كنت هاتصور بشعرى قلت فى سري على كدة اخوها مخاوت البنات كلهم حاجة غريبة والله العالم اتهبلت ربنا يستر

امال لما تعرفوا انا حصلى ايه من كام يوم هتقولوا ايه القيامه هتقوم استغفر الله العظيم

ربنا يستر وهو اية اللى حصل معاكى نونة

حصل مصيبه طبعا احنا عندنا ان الراجل ممكن ان يعاكس المراه ده طبيعى

الى مش طبيعى انه من كم يوم واحده اتصلت بى وبتدئت تعاكسنى بكلام والله كانها راجل

واستغربت لكن هى قالتلى ايه انتى عمرك ما اتعاكستى ابدا من واحده والله انا صعقت وكل الى جه عليه انى اذكرها بالله وانه رقيب على افعلنا لكن ربنا يهدى الجميع والغريبه انى سئلتها انتى مسلمه قالت اه الله يخرب بيتها
والله ياشوشو كده الواحده تخاف من الرجاله والستات ايه الزمن ده ربنا يخرجنا منها على خير يارب

صح والله يانونة الواحد بقي خلاص يخاف من الجنسين استغفر الله

ههههههه

هم يبكى وهم يضحك

السلام عليكم

والله فعلا موضوع حقيقى 100 %
انا حدث لى موقف مماثل للمواقف دى
كنت من فتره قريبه جدا عند كوافيره طبعا نساء كلهم بفضل الله
ومن فضل الله بردو انهم مش بيعملوا الحواجب وده اللى عاجبنى فيهم
لكن بردو سبحان الله بيعملوا شعر للبنات المش محجبات
المهم فى اليوم ده ونا عند الكوافيره لاقيت واحده عاديه جدا محجبه
وجت تسأل هى وصديقتها الكوافيره (انتو بتعملوا حواجب ؟)
الكوافيره قالتلها لا مش بنعمل .البنت استغربت وبتقوللها ليه
الكوافيره قالتلها كده.ماوضحتلهاش انه حرام
فأنا سألتها انتى ليه بتعملى حواجبك انتى مش عارفه انها حرام؟؟؟
ده فيها حديث واضح ولعن!!!أعوذ بالله
قالتلى لا اصلى بس هنضفهم !!!!!!!
لاحول ولا قوة الا بالله
يعنى فى كثير من الأحيان الواحد بيبقى عارف الحلال من الحرام لكن بيتحايل على الدين
بحجة ان فى ناس قالوا التنضيف حلال وكلام فاضى
ولكن (الحلال بيِن والحرام بيِن) وسبحان الله
علي فكره انا كتير مش بيجيلى الجرأه انى اتكلم مع حد وانصحه
لكن المفروض علينا فى المواقف دى زى ما آمنه عملت اننا ننصح
والنصيحه هتكون حجه لينا
بحيث لو ربنا هداها ناخد الأجر ولو رفضت تبقى انتى بريئه أمام ربنا
انا بقول لكم الكلام ده وبقول لنفسى والله قبليكو لأنى كتير جدا مش بيبقى عندى الجرأه
فى الأمر بالمعروف والنهى عن المنكر بس لازم بجد نشجع بعض اوى اننا نعمل كده
معلش طولت عليكو
ههههههه سلام