مشكلة صديقتى

موضوع: مشكلة صديقتى السبت ديسمبر 20, 2008 3:55 am

انا حاحكى ليكم مشكلة صاحبتى مع انى قلتلها رايى فيها بس انا عايزاكم تقولولى اعمل ايه عشان اهون عليها والله انا عارفة انها غلطت بس جل من لا يخطئ و المشكلة هى طبعا مش حاعرف احكى زى صاحبتها بس اللى فاكراه حاحكيه و هى ان صاحبتى دى عمرها 30 سنة كانت بتحب واحد اصغر منها بست سنين و طبعا لانه كان لسه فى الجامعة و هى خلصت من زمان مقدرتش تقف ادام اهلها و اتجوزت و خلفت و هو لسه فى الجامعة و بعدين اتخرج و اشتغل فى مكان محترم و هما لسه بيتكلموا سوا و اوقات بيتقابلوا بس مفيش حاجة حرام حصلت بينهم و انتم فاهمنى يعنى يخرجوا يلفوا فى مول مع بعض حاجات كده يعنى و كانت هى بتحبه حب جنونى و هو كمان لدرجة انه كان بيقولها لو مكنتيش اتجوزتى مكنش حد حيقدر يقف ادام جوازى منك و فضلوا مع بعض لحد من اسبوعين حست انه متغير معاها و لما ضغطت عليه فى الاتصال لانه اصبح مش بيرد على مكالمتها رد و سالته و ضغطت عليه عرفت انه شاف واحدة و ناوى يخطبوها اول ما قالها كده نهت علاقتها بيه بتقول انها حست انه لمجرد فكر انه يخطب نسيها امال لو اتجوز و هى مش عايزاه يجرحها اختارت انها تبعد بعد يرضى كرامتها و هى دلوقتى بتقولى انا بقاوم رغبتى فى الاتصال بيه رغم انها لما نهت علاقتها مفكرش يقولها حتى لا بالعكس سكت و قفل معاها التليفون و من بعدها ولا حتى رنلها رنة واحدة انا قلتلها هو كده بياكد انه عايزك تخرجى من حياته و هى بتعيط طول الوقت لانها بتقول مش متخيلة انه خلاص مش فى حياتها عايزاكم تقولولى اعمل ايه معاها و اقف جنبها ازاى عشان بصراحة انا عايزاها تبقى قوية و متفكرش تتصل بيه تانى و تخرجه خالص من حياتها رغم انها و انا قريبة منها عمرها ما قصرت مع جوزها ولا اولادها بالعكس كانت بتتعامل معاهم كان مفيش حد فى حياتها غيرهم انا فى انتظار ارائكم عشان انا حاخليها تفتح الصفحة و تقراها

السلام عليكم ورحمة الله وبركاتة ...الاخت العزيزة صديقة ريرى من غير كلام متزوق وعلى راى المثل يا بخت من بكانى وبكى على ولا ضحكنى وضحك الناس عليا ....شفتى كيف هو لما قرر يخطب قرر الالتزام الكامة بخطيبتة واكيد فى قصة حب بينهم فى نفس الوقت اللى جزء من قلبك معة ...يعنى هو الرجل عاوز يصون نفسة فى الوقت نفسة اللى انتى حاولتى عمل تنزيلات على كيانك واعطاءة حب احق بة زوجك واولادك ...فلا يشترط ان تقع حرمانية وكبائر فليست الخيانة مقتصرة على الزنا ...فهناك زنا القلب حيث يهوى وزنا العقل حين يفكر وزنا النوم حين تحلمين وزنا العين حين تتكلم وتناجى ....حبيبتى غيرى على نفسك غيرى على وقتك اللى قضتية معك فهو غير مناسب فى كل الحالات وما تقوليش الرسول زوجتة كانت تكبرة ب 15 وانا 6او7 اعوام فقط ...لا يا اختى ليس هو الرسول ولن تكونى زوجتة زوجك هلا معك واولادك انظرى اليهما وليس مراعاتك لهم من وقت وجهد وطبخ ومعاشرة وبس انما اخلاص ..ساتركك مع الاخوات ربما تجدين ردودا افضل منى ولى عودة ان سمحتى لى ذلك وتقبلى منى اهتمامى ومحبتى

حبيبتى ريرى والله مش عارفه اقولك ايه لكن اعزرينى لو كلاماتى جرحت صديقتك لكن على راى المثل كما قالت ام جبرائيل(يابخت من بكانى ولا ضحك الناس عليه)

وهل تنتظرى يا اختنا الغاليه ايتها الام القدوه ان ينظر اليكى هذا الذى تسميه حبيبا باى نظره ؟

طبعا بنظرة انك زوجه خائنه تفتكرى انه فى يوم ممكن يتزوجك ؟ طيب ازاى وهو يعلم انك زوجه خائنه ؟

كل الى هقوله لصديقتك ياريرى اتقى الله فى زوجك فى اولادك فى نفسك .

وابعدى عن طريق الشيطان والله هو كمان ما عنده ضمير هل كان يرضى ان زوجته تخرج مع رجل اخر ؟

حسبى الله عليه مفيش ضمير لكن بردوا اهى رات بعينها لقد تركها اصله مل خلاص منها لانها كما ينظر لهازوجه خائنه وذهب لفتاه شريفه طبعا هتصون بيته وشرفه مش هتعمل مثل صديقتك

ارجوا من هذه الاخت ان تقطع كل علاقه بهذا الخائن لانه خان شرف رجل اخر

وان تتقى الله وتكفر عن ذنوبها التى ارتكبتها فى حق زوجها وتستغفر الله .
بسم الله الرحمن الرحيم (قل ياعبادى الذين اسرفوا على انفسهم *لا تقنطوا من رحمة الله *ان الله يغفر الذنوب جميعا)صدق الله العظيم

ياريت تتوبى قبل فوات الاوان وتلاقى نفسك خسرتى بيتك وزوجك واولادك

(واما ينزغنك من الشيطان نزغ فاستعذ بالله انه هو السميع العليم)

ربنا يهديها يارب ويجعلها قرة عين لزوجها ويجعله قرة عين لها امين اسئل الله لنا ولها الهدايه .

اللهم اااااامين

الاخوات كفوا ووفوا لان صاحبتك من البداية غلاطانة واعذرينى اختى انتى بتقولى ان هما كانوا بيخرجوا مع بعض ومش بيعملوا حاجة حرام طب ماهو خروجها معاة فى الاصل حرام مابالك بقى وهى متزوجة ولديها اولاد وزى مابتقولي هى مش مقصر في بيتها لا مع زوجها ولا مع اولادها ازاى وفكرة زعلها على انة هايخط اساسا خيانة مشاعر اعذرينى حبيبتى صاحبتك عايزة كلام قوى كى يردعها عما هى فى ولا تحتاج لطبطبة ولا كلام حنين هى عايزة تفوق من اللى هى فية وتنظر الى الواقع واقع انها زوجة وام والله الهادى الموفق

طبعا الاخوات ما بدهم الا الصالح وما يحبون انك تحملى حبيبتى ذنوب لتلك العلاقة وما ادراكى ما العقاب فكرى على المدى الطويل وحتى لا تكون العاقبة وخيمة فقط استغفرى بنية التوبة واقتلعية من قلبك فاولادك واحبائك اولى بمحبتك

طبعا يا جماعة انا بشكركم بالنيابة عن صديقتى التى بدات حياتها من جديد و قد كلفتنى ان اجعلكم تدعون لها بالهداية و ان يبعد الله عنها شياطين الانس و الجن و قد وعدتنى انها ستبدا بحفظ كتاب الله و تحاول ان تكفر عن ذنبها و اشكركم كثيرا يا احلى اخوات