وشوشة فى اذن كل أخت لوحدها !!!!!!هقولك اة اللى فى بالك

كل اخت سواء رغبت او لم ترغب ان تشارك فى هذا الموضوع ,,,,,,,,من الاخر هتشتركى هتشتركى ما فيش حد هيكسل ما بحب الكسالى ...الموضوع كتير خفيف كل اخت تتفضل وتقول عما يجول فى خاطرها وانا باذن الله هحلل حالتها وما فى نفسها لكن تكونى صريحة ماشى يا بنات نونة منتظراكم عشان اعرف اة اللى فى بالكم 11

ام جبرائيل

انا مش فاهمة يعنى اقول ايه بالظبط

لا انتى عارفة بس مترددة يلا مددى على الشازلون وقرى بما فى نفسيتك

يا ربى عليكم فى اة

أنا أهو حبيبتى
مددت على الشاذلونج وهعترف
أنا اللى فى بالى بجد جوزى......... نفسى قوى منسيبش بعض خالص ونفضل سوى علطول أنا وهو وبنتى بس هعمل أيه بحب ماما جدا ومش بقدر أبعد عنها لما بكون بعيده بتتعب لانى بنتها الوحيده وانا كمان بكون تعبانه والله ياأم جيجى جوزى بيصعب عليا جدا حتى دينى بيأمرنى بطاعة زوجى وهو علشان بيحبنى وبيحب ماما قالى خليكى معاها وانا ربنا يصبرنى
أعمل أيه بحبه ونفسى أفضل معاه وفى نفس الوقت بحب ماما جوايا صراع كبير قوى مش قادرة أتغلب عليه
يعنى كل الجوايا جوزى وأمى أنا عارفه أن كلكم عارفين حكايتى دى من زمان
بس هى لسه جوايا نفسى أعيش حياة مستقرة ونفسى بنتى تتربى بين أبوها وأمها وفى نفس الوقت خايفه على ماما من الزعل
طبعا دى مش مشكله طالبه حلها لانى عارفه أرائكم فيها أيه كويس بس حبيت أحكى عن اللى جوايا وخلاص وحللى بقى شخصيتى أم جبرائيل

وشوشة فى اذن كل أخت لوحدها !!!!!!هقولك اة اللى فى بالك 06af8e57233ef1e61fd23ad97ec79

أنا فكرتك عايزة كلمه مختصرة وانتى تحكى اللى فى بالى

لكنك قولتى لريرى مددى على الشازلونج فعرفت أنك عايزة فضفضه يارب ما أكون غلط

وفهمتك صح

على العموم امنه رايى فى الموضوع ده اكيد انتى عارفاه لكن منتظرين ام جبرائيل هتقول ايه فى الكلام ده

لى عودة احكيلى على اللى جوايا

أنا مش عايزة أراء نونه لانى عارفاها أنا بس بعبر عن اللى جوايا

امونة حبيبتى ذى ما انتى لكى مشاعر بينك وبين والدتك الله يحفظها لكى وذى ما انتى مش عاوزة تبعدى عنها لانك بنتها الوحيدة كمان بنتك لها نفس الحق فى والدها ...بالاضافة انك ما زلت صغيورة امنة وبتضيعى اجمل ايام حياتك كزوجة صبية بعيد عن زوجها فاحميه من الفتن واحمى نفسك حبيبتى وممكن والدتك تعيش وتسافر معكم اعتقد دا كان احد الحلول اللى اعطتها لك منذ شهور ؟؟؟ اما بالنسبى للى فى خاطرك فانتى يا امنة مفسومة والله معك وحيرتك هتأثر لازم تتكلمى مع والدتك وتشوفوا حل ممكن زياراتك لها تكون متكررة فى حالة عدم استطاعتكم ان تعيش معكم فى بلدكم الثان ...صدقينى امنة مش هاترتاحى وانتى بعيد عن زوجك احنا معظمنا بعيد عن امهاتنا والله مش شرط كونك وحيدة لى صديقة متل حكايتك وعوضت دا بمرة تبعث لوالدتها مثلا للعمرة او ترعاها فى ولادتها او فى الصيف تلات شهور فى حضنها وتعدى السنة بسرعة البرق وعندك النت والكامير والماسنجر ممكن تعيشى معها بالطريقة دى حبيبتى فى حلول غير الوضع دا والشازلونج مش هاينفع من غير استعداد كبير من ناحيتك والله يرعاكى حبيبتى

والله يا امنه النت خلاص جعل البعيد قريب دا انتى ممكن طول اليوم تبقى مع مامتك على الايميل تتكلمى وتطمنى وبكده تكونى مع زوجك وفى نفس الوقت مع مامتك لازم ما تتركيش زوجك فى الغربه لوحده اسمعى الكلام ولا مشفتيش التمثليه بتاعت مصطفى فهمى والهام شاهين دى تخلى كل واحده زوجها فى الخارج تطبق فى زمارة رقابته وتجرى جرى وتخلى بالها منه ولقد ازعر من ازنر

ههههههههههههه اية دة يانونة يابتاع التمثلايات ياجامد بس اكيد زوج امونة غير كدة ان شاء الله تنحل الموضوع وترتاحى عن قريب حبيبتى لان بكدة نفسيتك مش هاترتاح طول مانتى بتعملى حاجة لارضاء الغير بس فى نفس الوقت انتى مش راضية نها او عايزة تعملى غيرها

انتى مددتى على الشازلونج يا امنة ونونة ومحبتى ريحوا هههههههههههههه اسمعوا يا بنات مش هنسيب امنة الا واحنا بنركبها الطيارة بنفسينا

والله أنى أحبكم فى الله فأنتم خير صحبه
لكن موضوع سفرى ده بيتعب نفسيتى جدا ومش بحب أناقشه
لانى عارفه نفسى مش بقدر على زعل أمى أبدا
وبعدين أخاف لما أكبر بنتى تتركنى أنا كمان وتسافر وأفضل لوحدى
أنا عارفه أنى بسفرى لزوجى برضى ربنا
بس الاحساس نفسه صعب (البعد والفراق)

وبعدين محبتى ونونه أنتو بتتهربوا من أم جيجى ليه
يلا مددوا وفضفضوا
وانتى ياريرى يلا تعالى معاهم

يا امونة طيب لو خايفة ان بنتك تعمل معاكى كدة طب ما تعمل سنة الحياة والله انا كمان لسا ببص فى جيهان وبقول لوالدها معقول ييجى واحد يتزوجها ويسافر بص وقالى ما انتى عملتى كدة سنة الحياة وامى رغم انها بتبكى وما متحملة حتى لو فى اخوات كتار غيرى لكن كل ابن لة غلاة وبعدين ما انتى كدة بتحرمى بنتك من ابوها امنة مش هاقفل الموضوع دا لان البنت محتاجة اب اب اب اب بكررها بكرة لما تكبر باذن الله تقولى اختى الكبيرة قالتلى كدة لان الاب ظهر وتربية الست بدون وجود اب برغم الحنان والعطاء لكن الامان اب يعنى رجل وهو مع الوقت هيعتاد بعدكم وانتوا هتعتادوا والحياة هاتكون باردة الحقى نفسك ولو مش عاوزة تزعلى ماما دا من حقك وواجب وفرض عليكى لكن خلينى اتدخل لو تحبى واكلم ماما ؟؟؟؟؟؟؟

امنة عايزة اقولك حاجة

على فكرة انا زيك بالظيط لانى وحيدة ماما و بابا متوفى و ماما عايشة لوحدها

و لما جيت اسافر مش قادرة اقولك اللى عملته بس فى الاخر استسلمت

ايوة هى كل ما تكلمنى تقعد تعيط

بس خلاص بمرور الايام اتعودت على الوضع ده

صدقينى الموضوع فى اوله صعب بس بعد كده بيهدى

ربنا يهديكى يا امنه يا ام شوشو وتسافرى تقعدى مع زوجك يارب

يارب دعواتكم نونة وريرى لاختك والله بخللها والدتها يا رب وما يفرقهم ابدا الفرقة مش بالسفر حبيبتى انا ما بحس انى قريبة من امى الا وانا بعيدة عنها تخيلى سبحان الله لكن زوجى لو بعدت اكيد مع الوقت وحتى لو اعتاد هيمل حبيبتى ما تهربيش انتى شجاعة والله انى احببنك فى الله وانا لو جيجى قررت تسافر هبقى اسافرلها كل ما ااقدر او من الاول هخليها تختار واحد ما يسافر ابدا ههههههههلكن مهما سويت المكتوب هنشوفة الله يعينكم يا رب

اللهم امين انا حاسة بيكى والله انا كان من فترة كان جايلى واحد من القاهرة يعنى نفس الجمهورية جوا مصر و بابا قال موافق لما نروحلك ساعة ونكون عندك او العكس ماما قالت اة بس اللى هى لالالالالا
يعنى متعتقدش انى هاعمل كدة واوافق انا اول ماعرفت ان الموضوع هايمشي فى الجد وانهم موافقين انى اسافر اقعدت افشكل فى الموضوع بالرغم من انة كان ميسر لما لقيت مافيش فايدة اقعدت اعيط قلت رمونى كدة عالطول وموافقين انى اطلع من البلد بس الحمد لله االجوازة ماتمتش وانا كنت مبسوطة بس ماتمتش مش منى منة وبعدين انا كنت مستخيرة ربنا وعرفت فى الاخر ان ماشاء الله اخلاق زقت وادب مافيش واحترام منعدم مواصفات تتمنها اى بنت فى بنى ادم مرفوووووووووووووض طولت عليكم كل دة علشان اقولك انى حاسة بيكى لانى وحيدة امى وابى وبالرغم من ان اخواتى معاهم وساكنين فى نفس البيت لاكن انا مش عايزة اسيبهم خالص وهاسكن ان شاء الله فى نفس البيت
ملحوظة هامة : انا لو زوجى سافر بعد الزواج وكان المفروض والظروف تسمح انى اسافر معاه مش هاتاخر طبعا بالرغم من صعوبة الفراق انما دة مقدر ولازم حبيبتى علشانك وعلشانة وعلشان بنتك لانىهى المتضررة الوحيدة من القصة دى وانتم اقل خسائر منها ومتنكريش انك نفسك تكونى مع زوجك زية ويمكن اكثر منة لانك انثى الانثى عواطفها واحتياجها لزوجها بيكون اكتر من الرجل امونة انا بقولك والله انتى هاترتاحى مع زوجك والوضع هاتتعودى علية وهايبقي بالنسبة ليكى وضع عادى خلاص زى بالظبط اول زواجك مكنتيش تتخيلى انك تسيبى بيتكم وتبقي مع زوجك فى بيت تانى واهلك لما كانوا بيزوروكى لما بيمشوا ممكن كنتى بتعيطى ومع الوقت خلاص بقي الوضع عادى فكرى وهاتلاقي ان كل شيئ فى اول صعب واسفة على طول الحواااااااااااااااااااااااااار

والله البت شوشو بلرغم انها لسه صغيره بس اعقل منك يا امنه شفتى اخ منك

اهدى بالله كده وروحى عند جوزك وحلقى عليه يابنتى احنا فى زمن الرجاله شحين اوى فيه كل واحده معاها راجل تكلبش فيه ولا ايه يا ام جى جى هههههههههههه

هههههههههههههههههههههه اة والله وبيتلككوا يا نونة ههههههه

يعنى مصممين تقلبوا عليا المواجع
طيب مش هرد لانى عارفه هوصل لأيه فى الاخر فالكلام زى عدمه
أنا ضعيفه جدا
حبيباتى أنا فعلا سافرت من فترة وأنتم عارفين وأستغربتم أنى رجعت بسرعه بس أنا ضعيفه جدا من ناحية أمى وأتلككت ورجعت ولعلمكم كان حصل حمل وكنت المفروض أفضل هناك شويه علشان الحمل يثبت شوى لانى حملى صعب وكان عندى مشاكل نسائيه
بس تركيبتى كده وركبت دماغى ورجعت والمشوار فى العربيات هلكنى (راحه المطار بعربيه وراجعه بعربيه)وبعد مارجعت بفترة
الحمل راح ناس قالتلى نفسيا وناس قالتلى مجهود زايد
بس أنا فعلا كانت نفسيتى زى الزفت أول مادخلت مصر نفسيتى تعبت لان زوجى وحشنى وصعب عليا وانا ظلمته جدا
وعلى فكرة أنا عندى أحساس أنه هيفيض بيه قريب لانه صبر كتير وربنا يستر

سبحان الله قولت مش هتكلم وأتكلمت هههههههههههههه
والله بدون وعى لاقيت نفسى بتكلم معاكم
بس مش هتكلم تانى خلاص كده nona

لالالالالالا مش هاتقدرى احنا هنا هوان بعض

ومحدش يقدر يخبي اللى فى قلبة على التانى وان شاء الله انا حاسة ان المشكلة هاتتحل قريب بس انتى توكلى على الله واعزمى على الامر وان شاء الله هابقدم اللى فية الخير

الله ييسرلك ما فى الخير ويعوض عليك حملك حبيبتى ويثبتة يارب ويهديلك الطريق للاصلح يا امنة يا حبيبتى لااستغفر الله ىالعظيم ما فى حدا مرتاح اكثروا اخواتى الاستغفار